限制級
您即將進入之新聞內容 需滿18歲 方可瀏覽。
根據「電腦網路內容分級處理辦法」修正條文第六條第三款規定,已於網站首頁或各該限制級網頁,依台灣網站分級推廣基金會規定作標示。 台灣網站分級推廣基金會(TICRF)網站:http://www.ticrf.org.tw
【自由副刊】 林沈默/人生借過
◎林沈默
◎林沈默
.
萬里江湖一蕊雲,
半浮半沉半路過。
.
一隻牛、一張犁。
一身人、一副枷。
我用心稽考的人生,
家伙積無偌濟,
總是清清白白:
無對工課失禮、
無對厝裡失禮、
無對良心失禮,
按呢〜就無歹勢囉!
.
一面桌、一櫥冊。
一頂床、一領被。
我紅塵隱居的所在,
空間隘隘細細,
總是四序整齊:
有夠我來土想、
有夠我來吐詩、
有夠我來泡茶,
按呢〜就蓋好勢囉!
.
一條路、一雙鞋。
一爿烏、一片白。
咱活踮世間來做客,
親像飛鴻踏雪,
空寂照亮一切:
毋通爭頭搶尾,
毋通你的我的、
毋通貪戀戇踅,
因為〜咱攏是借過!
.
網友回應