藝文頻道粉絲團
限制級
您即將進入之新聞內容 需滿18歲 方可瀏覽。
離開
進入
根據「電腦網路內容分級處理辦法」修正條文第六條第三款規定，已於網站首頁或各該限制級網頁，依台灣網站分級推廣基金會規定作標示。 台灣網站分級推廣基金會（TICRF）網站：http://www.ticrf.org.tw
【自由副刊】 康原／予Leo王的歌詩 － 贈金曲歌王王之佑
◎康原
◎康原
．
彼一年，恁老母罵你，人交的朋友是關公劉備，你交的朋友是林投竹刺。
這句話，拍出你堅強的志氣，決定走揣心內的趣味，用性命搬一齣家己的戲。
行出台大的社會，用紲喙的舌，唱土地的歌，毋是欲做五月的天，是走揣嘻哈的天年。
爵士的歌手，〈陪妳過假日〉，予你寫出〈健康歌〉，閣佮人出版「夜貓組」，聽你唱〈快樂的甘蔗人〉，想起你細漢的代誌，才了解你人生的意義，是追求家己性命的情詩。
．
彼一工，咱佇聖果園來熟似，才知影你毋是〈無病呻吟〉的天才，你是咧唱心內的歡喜佮傷悲。
恁三個小福星，帶予世間人真濟福氣，傳播溫暖的愛心佮慈悲。
天清清，地靈靈，你用歌聲佮世間人跋感情，是非善惡看分明，做代誌袂走精，前途攏是好光景！啊！好光景！
佮你熟似是阮的榮幸，用這首歌詩來表達阮對你的心情。
網友回應